समताचा वाढदिवस साजरा करण्यासाठी नियोजित स्थळी जात असताना अचानक एका प्रसिद्ध व्यक्तीमत्वा सोबत फोटो क्लिक करायची संधी भेटली.. कोण हि व्यक्ती तर ज्यांच्या शिवडीतील बांगो गाण्यामुळे 22 हजार रसिक शांत झाले होते, लावणीमध्ये चित्रपटातील कॉश्च्यूम ज्यांनी प्रथम आणले, नाचता नाचताच ज्यांना प्रसवकळा येऊ लागल्या. मंचावरच काही गावकरी महिलांच्या साथीने त्यांची डिलीव्हरी देखील झाली. विशेष म्हणजे प्रसुतीनंतर अवघ्या काही वेळातच ज्या पुन्हा मंचावर आल्या आणि ज्यांनी नृत्याविष्कार पुन्हा सादर केला..वयाच्या अवघ्या सातव्या वर्षी पायात घुंगरू आलं ते आजतागायत त्याचा छनछनाट सुरूच आहे. सुख दु:खाच्या हिंदोळ्यावर लहरत समाजमनाला आनंद देण्याचे काम करत ही कला जिवंत ठेवण्यासाठी ज्यांनी स्वतःच उभं आयुष्य वेचलं अश्या ज्येष्ठ तमाशा कलावंत लावणी साम्राज्ञी मंगला बनसोडे यांची हि ग्रेट भेट...
मनात कोठेही आपण फार मोठी सेलिब्रेटी असल्याचा किंचितही भाव नसलेल्या, प्रचंड मनमेळावू असं हे व्यक्तीमत्व..आम्हा सगळ्याची त्यांनी अगदी आपुलकीने ओळख करून घेतली. समता चा वाढदिवस असल्याचे कळताच त्यांनी तिला भरभरून सदिछया दिल्या...
अगदी काही दिवसांपूर्वीच त्यांना भारत सरकारचा राष्ट्रपती पुरस्कार देखील जाहीर झाला आहे त्याबद्दल आम्ही सगळ्यांनी त्यांना सदिछया दिल्या... यापूर्वी त्यांची आई विठा भाऊमांग नारायणगावकर आणि वडील भाऊमांग नारायणगावकर यांना देखील हा पुरस्कार जाहीर झाला होता. एकाच कुटुंबातील तिघांना हा पुरस्कार मिळाल्यामुळे बनसोडे कुटुंबाने राष्ट्रपती पुरस्कारांमध्ये हॅट्ट्रीक मिळवली आहे.
बोलण्याच्या ओघात त्यांनी, "हा पुरस्कार म्हणजे सातारकरांच्यासाठी मोठ्या अभिमानाची बाब आहे" असे सांगितले पण आमच्या अजय ढाणेने "हि तर नुसत्या सातारकारांचीच नव्हे तर अवघ्या महाराष्ट्राच्या अभिमानाची बाब आहे" असं सांगून त्यांना सदिछया दिल्या. अखेर त्याचा निरोप घेऊन आम्ही आमच्या पुढील प्रवासाला निघालो..
दिनांक १०/१०/२०१७
- हर्षल जाधव
9637351400
0 टिप्पणी(ण्या):
टिप्पणी पोस्ट करा