'जात बघून प्रेम करा' असा शासनाने जी.आर काढावा..

'जात बघून प्रेम करा' असा शासनाने जी.आर काढावा..
पालकांनी लहानपणापासून मुलांना माणसांवर प्रेम करा म्हणायचे तुणतुणे वाजवणे बंद करावे..
आपली जात, धर्म, वंश किती महत्वाचा असतो याची पट्टी लहानपणापासून वदवून घ्या... अभ्यासक्रमात एखादा धडाच घुसवला तरी चालेल...

आपल रक्त आणि त्या दुसऱ्या खालच्या जातीतील व्यक्तीचे रक्त कसे वेगळ आहे हे पटवून सांगण्यासाठी त्या रक्तात निळा, हिरवा, भगवा थोडा थोडा रंग मिक्स करा... नाहीच रंग बदलला तर रुढी, परंपरा, घराणे नावाचा अत्तर शिंपडा त्यावर ...घरात याची काही सेंपल ठेवून घ्या..

प्रेमातून नव्हे तर फक्त आणि फक्त वासनेतून मुलांना जन्म द्या..तेंव्हाच आपल्या या प्राणांपेक्षाहि अधिक किंमतीची असलेली जात, धर्म आपल्याला टिकवता येईल...

पोटच्या पोरांना रक्ताच्या थारोळ्यात बघून आसुरी आनंद कसा घ्यायचा याचा crash कोर्स सुरू करा...
पेटवून, गळा दाबून, सुपारी देऊन यात अजून काही मार्ग add होतात का ते गूगल करा...

प्रेमातून (अनेकांच्या भाषेत लफड) लग्न केले म्हणून पोरीला संपवून 56 इंच छाती घेऊन स्वतःहून पोलीस चौकीत हजर व्हायची हिम्मत आणायला जुनी उदाहरणे वाचत जा..यामुळे प्रेरणा मिळेल मेलेल्या मनाला...

पण

हे सगळं करूनहि,
रुक्मिणी-मंगेश, प्रणय-अमृता, इंद्रजित-मेघा
पुन्हा पुन्हा जन्माला येतील
आपल्या प्राणांची आहुती देऊन
जाती धर्माला मूठमाती देतील...

- हर्षल जाधव,
9637351400